WANANCHI UKONGA KUNUFAIKA MRADI WA MAJI.

Posted on: September 23rd, 2020

Na Jafari S Samata

Wananchi wa kata ya ukonga wanatarajia kunufaika na mradi mkubwa wa maji safi unaosimamiwa na serikali chini ya mamlaka ya maji safi na maji taka DAWASA ili kuepukana na kero kubwa ya upatikanaji wa maji safi na salama iliyodumu kwa muda mrefu katika eneo hilo.

Hayo yamebainishwa na mkuu wa wilaya ya ilala Mh. Ng’wilabuzu Ludigija kupitia kwa muwakilishi wa DAWASA Ukonga walipokuwa kwenye ziara ya kikazi ya mkuu huyo wa wilaya katika jimbo la Ukonga Gongolamboto, alipokuwa akijibu hoja ya changamoto ya upatikani wa maji katika kata hiyo iliyoibuliwa na mkaazi wa maeneo hayo ndugu Paulo Mwaisigwa aliyehoji kuwa ni mpkaka lini wananchi wa ukonga watatakiwa kusubiri ilikupata huduma ya maji safi na salama.

Akijibu changamoto hiyo muwakilishi wa DAWASA Ukonga amesma “ni kweli kabisa kata ya ukonga ina changamoto kubwa ya maji na kuna mtaa hauna kabisa huduma ya maji safi kwa mfano mtaa wa Sababa, ila ili kukomesha tatizo hili kata ya ukonga itakuwa ni moja ya wanufaika wa mradi wa Maji wa Kisarawe Pugu, ambao bomba kuu la inchi kumi na sita linachimbiwa kutoka kisarawe hadi Madafu Gongolamboto ukitarajiwa kutiririsha maji ya ruvu, na si maji ya kisima ambapao mradi upo kwenye hatua za mwisho za utekelezaji wake na unatarajiwa kukamilika mwezi wa mwishoni mwa mwaka huu ili kuanza kuwanufaisha wananchi wa maeneo hayo”

Aidha muwakilishi huyo wa DAWASA ameongeza kuwa DAWASA ipo mbioni kuirudisha chini ya usimamizi wake miradi yote ya maji iliyokuwa ikimilikiwa na watu binafsi katika eneo hilo, kutokana na kuwa chanzo kikuu cha manyayaso ya raia wanapohitaji huduma hiyo kwa wauzwaji amabpo wengi wao wamekuwa wakitozwa bei za juu zaidi ya ile elekezi, na pia kumekuwpowepo na malalamiko ya wanao miliki miradi hiyo kunyanyaswa na maafisa wa DAWSA hususani mafundi kwa kuwakatia maji hovyo bila ya simile kwa kudai kuwa miradi ya idara haihojiwi.

Mkuu wa wilaya ya ilala Mh.Ng’wilabuzu Ludigija amekuwa katika ziara ya kikazi katika jimbo hilo kwa muda wa siku nzima ziara ambayo imelenga kuhimiza uwajibikaji bora wa viongozi wa kata na serikali za mitaa kwa wananchi wao, pamoja na kuchochea kasi ya ukamilishaji wa miradi mbali mbali inayoendelea katika jimbo hilo la ukonga ili kuhakikisha wanachi wa ukonga wananufaika na miradi hiyo ndani ya muda uliopangwa.